Nga Mitro Çela
Viti 1987.
Të dy me Filipin në gazetën “Bashkimi”.
Unë shef.
Filipi vartës.
Ditë të vështira tetori. Kishin rënë abonimet në gazetë.
Hata!
Gazeta jonë, ishte në vartësi të Frontit Demokratik e drejtuar nga vetë shoqja Nexhmie Hoxha!
U mblodhëm shefa e gazetarë. Qamë hallet. Vramë trutë.
U ngrit Filipi:
-Unë do të shkoj në Pogradec! Kam bindjen se do ta realizoj planin e abonimeve 250 përqind!
-Nuk jemi mbledhur për të bërë humor!
Fshati digjet, Filipi krihet,- tha Pëllumb Bataj, gazetar dhe sekretar I organizatës bazë të Partisë!-
Në se nuk e mba fjalën, do dënohesh me dy dreka në Divjakë!
Një ditë më vonë.
Mesditë.
Filipi mbriti në Pogradec.
Takimin e parë e bëri me shefin e qarkullimit rrugor.
I qau hallin. I thotë shefi:
-Kush bëhet abonim tek “Bashkimi” kur kemi “Zërin e popullit…
-Kam një propozim,- tha vartësi im.- Bëjnë shkelje shoferët të kodit rrugor?…
-Bëjnë!…
Për çdo shkelje, policët presin gjoba?…
-Presin…
Në vend të gjobës në lekë, shoferët e zënë në faj, të abonohen në gazetën “Bashkimi”.
Ideja u pranua.
“ Një gjobë fisnike,-tha shefi.- Shoferëv nuk u shkojnë dëm paratë. I përdorin për të rritur nivelin kulturor, duke lexuar gazetën!”
Kaluan tre muaj. Haberet nga Pogradeci, ja dogjën drekën Pëllumbit. Plani I abonimeve kapi shifrën rekord: 300 përqind.
Urime! Përgëzime!
Dhe një shpërblim të vogël!…
Muajin e gjashtë ndodhi hataja…
Abonimet e gazetës në Pogradec britën në 10 përqind!
U tronditëm të gjithë. Bile edhe vetë Filipi, që e mbanim për të fortë!…
E nisa urgjent në Pogradec. Një ditë më von më telefonoi:
– Shoferët për të mos abonuar në gazetën tonë, nuk e shkelin kodin rrugor!
Nuk ka më gjoba!
Thuaj Pëllumbit për drekën…
