Një 16-vjeçar është vënë në prangat e policisë së Tiranës me akuzën e gjobvënies. Ai ka kërcënuar dhe i ka kërkuar drejtorit të shkollës 9-vjeçare “Shyqyri Peza” një shumë prej 2 milion lekë të reja, raporton “Panorama”.
Policia e ka arrestuar në flagrancë teksa merrte shumën e gjobës së vënë nga drejtori, i cili kishte lajmëruar unfiromat blu për ndihmë.
“Policia e Tiranës njofton se më datë 17.08.2016, ora 14:00, u arrestua në flagrancë shtetasi me iniciale A. R Xh, i datëlindjes 09.01.2000, banues në fshatin Sharrë, me arsim 9 klasë, sepse në orën 10:00, tek shkolla 9 vjeçare ”Shyqyri Peza”, u kap në momentin që po merrte shumën e 200.000 lekëve në formën e kërcënimit (gjobëvënës) shtetasit Resim Sulejman Metaj, i datëlindjes 17.01.1961, banues në Vaqar, drejtor i shkollës 9 vjeçare “Shyqyri Peza”. Me cilësinë e provës materiale u sekuestruan dy celularë” thuhet në njoftimin për shtyp.
HISTORIA
Gazetarja e “News24” konfirmon se 16-vjeçari ka pasur një konflikt për makinën 1 vit më parë me drejtorin dhe e kërcënonte se do t’i nxirrte aferat që dyshohet se kishte pasur me disa mësuese.
16 vjeçari ka qenë nxenes dhe para 1 viti pas një konflikti me drejtorin i kanë prishur tavanin e makinës. Drejtori ka folur me prindërit e 2 nxënësve dhe ata kanë paguar 150 mijë lekë për dëmin.
Pas 1 viti 16-vjeçari dhe një shoku i tij i kanë kërkuar drejtorit 200 mijë lekë në stekë cigareje, që t’ua linte te roja i shkollës, si hakmarrje për incidentin me makinën. Në të kundërt e kërcënuan me jetë dhe se do t’i nxirrnin aferat që dyshohet se ka pasur me disa zysha ne shkolle.
