Në emisionin ‘3D nga Alban Dudushi’ në RTSH, ka pasur një debat mes juristes, Brisida Gjikondi dhe avokatit, Idejet Beqiri, në lidhje me ecurinë e dosjeve në SPAK, ku, sipas Beqirit, disa prej tyre kanë zënë pluhur, siç është edhe rasti i dosjes CEZ- DIA.
Sipas tij ka një pyetje të madhe se: përse Dumani nuk e çon dosjen e Metës në Gjykatë?
“Ka dosje që ka mbaruar hetimin dhe Dumani i mban aty. Po “zënë pluhur”. Nuk ja ka fajin policia, e ka vetë fajin. Ankesat janë të krimit të organizuar. Për aferat e rënda nuk e ka në dorë policia për të penguar SPAK-un. Nuk është çështja të shkojmë në llogore. Duhet parë në dritë të syrit situata e krimit. Të mos futet koka si struci. Në kurriz e ndjejnë ata të CEZ- DIAS. U vodh pasuria kombëtare, ju mor 500 mln euro qytetarëve. Është hetuar aq shumë sa e dimë të gjithë. Vetëm, SPAK s’i ka parë provat? Dosjet janë aty të gatshme. Edhe në atë drejtësinë e vjetër 90% e dosjeve që kanë shkuar në gjykatë janë dënuar. Kemi dosjet CEZ- DIA, privatizimi i Armos, 21 janari, hidrocentralet e privatizuara që shkuan “për dhjamë qeni”., tha Beqiri.
Ndërsa Gjikondi u shpreh se kur një drejtues policie është i korruptuar, nuk ja ka fajin një polic i thjeshtë.
“Dumani ka shumë skrupuj, përpiqet t’i kopsis dosjet deri në detaje. Ai po gjurmon pasuritë. E pamë me Ahmetajn që i ishte bërë skaner i thelluar. Nuk di për dosje që kanë zënë pluhur. Politikanë majtas e djathtas kanë qenë në krye të dërrmimit të Shqipërisë.”, tha Gjikondi.
