Në Dragot të Tepelenës nisi puna për gjetjen e eshtrave të ushtarëve grekë dhe disa orë pas nisjes së punës u raportua gjetja e dy trupave. Për identifikimin u përdorën edhe numra identifikimi të uniformave.
Por pas përhapjes së lajmit, ka reaguar një arkeolog shqiptar i cili thotë se bëhet fjalë për trupa italianë nëse i referohemi atyre të dhënave.
Të paktën kështu pretendon arkeolog shqiptar Etnor Canaj, i cili përmes një statusi në profilin e tij në ‘Facebook’ thotë se eshtrat në fjalë nuk u përkasin ushtarëve grekë.
Dhe për të vërtetuar këtë, Canaj thotë se duke parë fotot e publikuara të numrit të identitetit është qartë se i përkasin një piloti italian.
Statusi i tij:
Nderkohe ne Dragot te Tepelenes gjeten “Greco-n” e pare (?)
Por:
Medalioni qe shoqeronte ushtarin, fatkeqesisht per ata qe duan eshtra grekosh, i perket ne te vertet nje parashutisti italian dhe me sakt nje parashutisti te nje Reparti Special i Batalionit San Marco.
Ka ekzistuar nje repart special i njohur me siglen “P”
“CAP.LE” eshte shkurtimi i titullit ushtarak “Caporale”.
– Reparti Speciali del San Marco. Battaglione “P” -(P=PARASHUTIST). Numri eshte numri i ushtarit dhe shkronja “P” eshte per Parashutist, nje repart special italian i parashutisteve te Batalionit San Marco.
Mbiemri “Greco” eshte i perhapur ne Itali dhe jo ne Elladhi”, shkruan ai.
Nisja e gërmimeve erdhi pas marrëveshjes së arritur mes Ministrit të Jashtë të Greqisë Nikos Kotzias dhe Ministrit tonë të Jashtëm Ditmir Bushati.
Vendimin për nisjen e punës për gjetjen e eshtrave të ushtarëve grekë qeveria e vendit fqinj e ka cilësuar si një moment historik.
