Gjermania shtyn zgjerimin e BE-së, Merz paralajmëron liderët europianë: Mos e mbani Malin e Zi në pritje!

Ndërsa Mali i Zi ka objektiv anëtarësimin në vitin 2028, Kroacia ka vendosur së fundmi veton për një prej kapitujve, duke bllokuar mbylljen e negociatave.

Kancelari Merz paralajmëroi se do të flasë me gjithë liderët europianë në vjeshtë për t’i bindur që të shtyjnë para zgjerimin e BE-së mbi propozimet e përbashkëta për integrim gradual me Presidentin francez, Emanuel Macron.

“Do ta diskutojmë këtë me BE-në, në Këshillin e BE-së. Po, kërkon unanimitet, por kam bindjen se do t’i bind kolegët të shtyjmë para këtë proces. Kjo është arsyeja pse kolegu im Macron dhe unë kemi bërë propozime konkrete dhe diskutimi do të shtrihet mbi këto propozime”, shtoi Merz.

Kryeministri i Irlandës, Michael Martin, garantoi se gjatë Presidencës së BE-së do të punojë me të gjitha vendet e Ballkanit Perëndimor, përfshirë Shqipërinë, për të arritur objektivin e anëtarësimit.

“Bie plotësisht dakord me çfarë tha kancelari për zgjerimin e BE-së. Specifikisht për Malin e Zi. Synojmë që gjatë presidencës irlandeze Mali i Zi të mund të mbyllë të gjithë kapitujt, ndërsa patëm dhe një javë të shkëlqyer në korrik për zgjerimin e BE-së. Besojmë se ajo që po arrijmë me Malin e Zi të jetë një mesazh i qartë edhe për këdo tjetër që do të bëhet pjesë e BE-së. Nëse Mali i Zi plotëson kushtet dhe bëhet pjesë e BE-së, është shembull që një vend tjetër mund të ndjekë. Ne do të punojmë me vendet e tjera të Ballkanit Perëndimor”, tha Michael Martin.