Legjenda e futbollit gjerman, Gerd Muller është shtruar në spital, pasi vuan nga sëmundja Alzheimer, e cila lidhet me problemet mendore.
“Gerd Muller për fat të keq është mjaft i sëmurë prej një kohe të gjatë. Nga fillimi i muajit shkrut Gerd është i sëmurë, ndërsa përkrahje të madhe ka nga familjarët e tij.
Gruaja e tij Uschi kërkon që të ruhet privatësia, kështu që Muller do ta festoj ditëlindjen e 70 më 3 nëntor pa asnjë vizitë në spital”, ka njoftuar klubi bavarez.
Shefi ekzekutiv i Bayernit, Karl-Heinz Rummenigge shprehet se “Gerd dhe të dashurit e Tij kanë të gjithë mbështetjen tonë”.
Muller nga 1964 -1979 shënoi 533 gola për Bayern dhe 68 me atë të ekipit kombëtar gjerman që fitoi kampionatin evropian dhe Kupën e Botës.
Në finale të Kupës së Botës të vitit 1974 ishte golashënuesi vendimtar në fitoren 2-1 kundër Hollandës.
Gerd Muller është një nga lojtarët më të mëdhenj në historinë e futbollit. “Pa Muller, Bayern apo ekipi kombëtar gjerman nuk do të ishte ai që është sot”deklaroi Rummenigge.
