“Gjendja shëndetsore e Alexei Navajny, nuk e favorizon dërgimin e tij për kurim jashtë vendit”, – ka qënë kjo deklarata e mjekëve të cilët po trajtojnë liderin opozitar rus, i cili gjendet në gjendje kome prej ditës së djeshme, pas konsumimit të një çaji, i cili dyshohet të ketë qënë i helmuar.
Vendimi është bërë publik nga zëdhënësja e tij, e cila akuzon se një veprim i tillë po pengon shërimin e tij, madje synon edhe të fshehë atë që i ka ndodh aktualisht liderit opozitar.
Navalny duhej të nisej në drejtim të Gjermanisë nga OJQ gjermane Kinema për Paqen, e cila duhej të largohej në drejtim të Nurenbergut nga Siberia brenda natës. OJQ-ja, e cila njihet për veprimet e saj në ndihmë të mbrojtësve për të të drejtat e njeriut në Rusi, një operacion të ngjashëm e ka bërë në rastin Piotr Verzilov, pasi ai u helmua në 2018.
Aleatët e Navalny besojnë se helmimi i tij është i lidhur me veprimtarinë e tij politike.
Zëshënësja e tij deklaron se asnjë nga familjarët dhe bahkëppunëtorët e tij nuk lejohen për të takuar Navalny.
Navalny ishte në një fluturim nga Siberia për në Moskë herët të enjten në mëngjes kur aeroplani duhej të bënte një ulje emergjente për shkak të një përkeqësimi të papritur të shëndetit të tij.
/e.rr
