Një komedi satirike për Adolf Hitlerin, është në mesin e filmave që Gjermania është duke i shqyrtuar që t’i propozojë për nominim për çmimin “Oscar” në kategorinë e filmit më të mirë në gjuhë të huaj, vitin e ardhshëm.
“Look Who’s Back” (Shiko kush është kthyer) e imagjinon Hitlerin tek zgjohet në Berlinin e ditëve moderne dhe ka një spektakël të tij televiziv.
Bazuar në romanin e Timur Vermes, filmi ishte hit në arka filmike kur u shfaq në Gjermani vitin e kaluar dhe vazhdimisht është blerë nëpërmjet rrjetit “Netflix”.
Propozimi i Gjermanisë për “Oscar” do të përzgjidhet nga një juri e pavarur më 25 gusht. Filmi i fundit gjerman që fitoi “Oscar” në kategorinë e filmit më të mirë në gjuhë të huaj ishte “Das Leben der Anderen” (Jetët e të tjerëve) në ceremoninë e vitit 2007.
“Doënfall”, një film për ditët e fundit të Hitlerit, kishte qenë i nominuar për këtë çmim, dy vjet më parë. Të tjerë filma që Gjermania po i shqyrton për t’i propozuar janë edhe “Toni Erdmann”, komedi për raportin vajzë – baba që mori kritika pozitive në Festivalin e Filmit në Cannes.
“Look Ëho’s Back” është një nga katër filmat që janë përfshirë në listë të ngushtë e që flasin për nazistët, bashkë me një version të ri të “Diary of Anne Frank” (Ditari i Ana Frank) dhe një film tjetër për gjykatësin gjerman Fritz Bauer, përgatiti Koha.(b.an)
