Dy ambasadoret e vendeve më të fuqishme të Europës, që praktikisht janë dhe liderë të Bashkimit Europian, përkatësisht të Gjermanisë dhe të Francës, kanë vlerësuar pozitivisht procesin zgjedhor të 25 qershorit. Në vlerësimet e tyre zgjedhjet e 25 qershorit ishin të lira dhe të ndershme. Ato kanë këmbëngulur në nisjen sa më parë të zbatimit të procesit të vetting-ut.
Sipas ambasadores gjermane Susanne Schutz “procesi zgjedhor ka qenë i lirë dhe i ndershëm. Kënaqësi që procesi u zhvillua normalisht. Është bërë një fushatë elektorale pozitive”.
Sipas ambsadores edhe pjesëmarrja në zgjedhje ka qenë e mirë, pavarësisht se ishte më e vogël se në zgjedhjet e fundit. Komentet e ambasadores u bënë gjatë një aktiviteti në Korçë.
Ndërsa ambasadorja franceze Christine Vasak nga Vlora duke komentuar zgjedhjet e 25 qershorit, ka nënvizuar se ato kanë qenë më të mira se ato të para 4 viteve. Ajo u shpreh se gara elektorale u zhvillua normalisht dhe se pjesëmarrja ishte e mire. Por ajo ka edhe një këshillë për klasën politike shqiptare, pikërisht atë të nisjes së zbatimit të procesit të vettingut.
“Kënaqësi që procesi u zhvillua normalisht. Zgjedhjet ishin të mira krahasuar me 2013, por sërish kishte probleme. Pjesëmarrja nuk ka qenë e ulët, ka qenë e mirë. Është bërë fushatë elektorale pozitive. Shqipëria ka prioritet BE-në, por duhet të plotësojë 5 pikat. Vettingu duhet të zbatohet në praktikë dhe jo të mbetet në teori”, shprehet Vasak.
ma.me
