Një automjet i ngarkuar me drogë nuk i ka ndaluar policisë, kurse drejtuesi i saj la makinën dhe u largua me shpejtësi.
Mediat raportojnë se mjeti është pikasur pas mesnate, ndërsa drejtuesi nuk i është bindur thirrjes së policisë për të ndaluar, por ka shtuar shpejtësinë. Ai udhëtonte bashkë me një pasagjer grek.
Makina me drogë është gjetur në fshatin Asfaka të Janinës, ndërsa lënda narkotike dyshohet se është trafikuar nga Shqipëria.
Pas kontrollit në makinë, policia gjeti 61 pako me 65 kg marijuanë dhe 2 celularë. Bashkë me shoferin, në makinë ndodhej edhe një shtetas grek 41 vjeç i cili është kapur nga policia në afërsi të fshatit Likostomo.
