Ekspertët që punojnë në vendin ku është rrëzuar avioni rus Airbus A321 i Metrojet në Sinai kanë gjetur elementë që nuk i përkasin strukturës së tij. Lajmi raportohet nga gazeta ‘Dita’, ndërsa ekspertët kanë gjetur në zonën e katastrofës elementë që nuk lidhen me strukturën e avionit, të cilat janë dërguar për analizë.
Më parë është informuar se një satelit amerikan regjistroi një shpërthim termik mbi gadishullin e Sinait, në momentin e rënies së avionit.
Avioni Airbus A321 i linjës ruse Metrojet që mbulonte rrugën Sharm el Sheik –San Petersburg u rrëzua më 31 tetor, gjysmë orë pasi u shkëput nga toka. Nga aksidenti nuk pati asnjë të mbijetuar nga 217 udhëtarët dhe 7 anëtarët e ekuipazhit që gjendeshin në bord.
