“Gjej vend e futu”/ Basha i dërgon mesazh Ramës: Beteja tani fillon, do luftojmë çdo ditë për shqiptarët

Kryetari i PD Lulzim Basha ka reaguar pas votimit për Këshillin e ri Kombëtar, i cili me sa duket do te jete sipas shijeve te tij.

Në një postim në mediat sociale, Basha shkruan se demokratët sot do të zgjedhin ata që do të luftojnë çdo ditë për shqiptarët, duke i derguar mesazh Edi Rames si per ti thene “gjej vend ku te futesh”.

Më tej numri një i demokratëve shton se të gjithë janë të përkushtuar ndaj angazhimeve që kanë dhënë dhe do të luftojnë më shumë se kurrë më parë.

“Në këtë kohë përcaktuese për fatin e vendit, vota e çdo delegati merr një peshë të madhe duke zgjedhur përfaqësuesit që do të luftojnë çdo ditë për shqiptarët dhe që do të jenë çdo ditë pranë tyre.

Ata na dhanë një besim të jashtëzakonshëm për planet tona konkrete të të gjitha fushave: për ekonominë, për arsimin, shëndetësinë, punësimin, përballimin e kostos së jetesës, dhe kurimin e plagës së emigracionit.

Ne jemi të përkushtuar ndaj angazhimeve tona më shumë se kurrë, dhe nuk do të ndalojmë së luftuari për qytetarët e Shqipërisë, derisa t’i bëjmë ato realitet”, shkruan Basha.

Nderkohe qe gjate fjalës së tij në Kuvendin Kombëtar të PD, Basha tha se do të luftojë brenda dhe jashtë vendit, kundër këtij regjimi.

“Në 13 qershor përcaktuat cila do jetë rruga jonë.

Ju i thatë shqiptarëve se ne demokratët nuk dorëzohemi përballë pakicës që ka kapur dhunshëm shqiptarët, se ne nuk heqim dorë nga Shqipëria, ne do lufojmë kundër këtij regjimi brenda dhe jashtë parlamentit, brenda dhe jashtë Shqipërisë, sepse e drejta është me ne. Ne e dimë që Edi Rama është armiku i demokracisë.

Pesha e korrupsionit, e krmit me të cilin bashkëpunon i qëndron mbi krye. Do mbajnë përgjegjësi për çfarë i kanë bërë vendit tonë dhe demokracisë. Ne do lufojmë për shqiptarët që duan ndryshimin. Ne do angazhohemi ta kthejmë shtetin shqipar, në shtetin e shqiptarëve”-tha Basha./m.j