Ish-truproja e familjes së ish-diktatorit libian Muamar Gaddafi është kafshuar nga një gjarpër, derisa urinonte në një shkurre. Australiani Gary Peters ishte truproja e Saadi Gadafiit, djalit të ish-diktatorit tani punon në një kafeteri në Queensland.
Ngjarja ndodhi kur 52-vjeçari i cili ishte duke pirë me shokë doli jashtë lokalit për të urinuar. Ai tha se e pa helmin duke i rrjedhur poshtë këmbëve dhe se kishte frikë se do të vdiste nga kafshimi. Peters më pas është dërguar me urgjencë në spital
Australiani ishte takuar me djalin e ish-liderit të Libisë në Lojërat Olimpike që u mbajtën në Sidney në vitin 2000, ku ai ishte caktuar për të mbrojtur personalitet gjatë vizitave si anëtar i ushtrisë së vendit të tij, raporton BBC, përcjellë Klan Kosova.
Ai punoi si truproje e kësaj familje gjatë kryengritjes libiane të vitit 2011. Kur Tripoli ra në duart e forcave kryengritëse, ai ndihmoi djalin e diktatorit të ikte në Niger, në kundërshtim me një ndalim të udhëtimit për të që ishte bërë nga Kombet e Bashkuara për djalin e diktatorit. Në vitin 2013 ai u deportua nga Kanadaja, ku edhe drejtoi një kompani private të sigurisë.
