Lidhjet familjare janë më të forta se çdo lidhje tjetër. Jo për të gjithë… të paktën për familjen Pogba.
Paul Pogba i Juventusit nuk mund të shpresojë për Topin e Artë kur nuk arrin të marrë as votën e vëllait të tij.
Florentin Pogba, i cili është kapiten i Guinesë, nuk e ka përfshirë lojtarin e Francës në votën e tij, duke votuar për Leo Messin, Cristiano Ronaldon dhe Manuel Neuer.
Vota për dy të parët mund të konsiderohet si ndershmëri, qoftë edhe e tepruar, nga ana e kapitenit të Guinesë, por pas tyre nuk do të ishte hataja nëse do të votonte për mesfushorin bardhezi, një ndër më të mirët në botë në rolin e tij.