Dhuna në stadiumet shqiptare rikthehet sërish. Këtë herë përplasjet kanë ndodhur në shkallët e stadiumit “Loro Boriçi” në Shkodër ku luhet ndeshja mes Kukësit dhe Tiranës në kuadër të Superligës.
Në fund të pjesë së parë ka pasur një përplasje mes disa tifozëve të Tiranës të grupit “Fanatics”.
Raportohet se disa prej tifozëve janë gjakusur gjatë konfrontimeve.
Sipas informacioneve, pëprlasjet nisën pas thirrjeve kundër presidentit të Tiranës Refik Halili.
Por, jo të gjithë ishin dakord për ato thirrje çka ka bërë që tifozët bardheblu të përplasen mes tyre.
Policia ka ndërhyrë dhe disa prej tifozëve janë ndaluar./a.m.
