FIFA ka zgjedhur kryetarin e saj të ri. Gianni Infantino është zgjedhur Presidenti i ri me 115 vota, në raundin e dytë.
I dyti në votime doli Salman Bin Ibrahim al-Khalif ndërsa në vend të tretë Princi Ali bin Hussein.
Infantino do të drejtojë FIFA-n pas skandalit të Sep Blatter, i cili u pezullua për 6 vjet nga të gjitha aktivitetet e futbollit për akuzat e korrupsionit. Të njëjtin fat pati edhe ish Presidenti i UEFA-s Michel Platini, i cili po ashtu u pezullua për 6 vite.
