Kampionia e Evropës në “Bikini Wellness Fitness”, Gentiana Beqa që javën e kaluar u shpall më e mira në Grand Prix të Milanos në disiplinën “Elite Pro Wellness Fitness”, në orët e fundit ka arritur edhe një sukses tjetër të madh.
Ajo është shpallur më e mira në botë në “Wold Wellness Fitness”, transmeton Koha.net. Media shkruan se edhe pse Rusia e dominoi ditën hapëse të Kampionatit Botëror të Fitnesit, të organizuar nga Federata Ndërkombëtare e Fitnesit dhe Bodybuildingut (IFBB), Gentiana Beqa e Kosovës solli emocionet më të këndshme.
“35-vjeçarja, nënë e tre fëmijëve, e pati të vështirë t’i ndalte lotët së rrjedhuri pas një viti fantastik në këtë sport duke fituar dy medalje të arta, “Arnold Classic” dhe titujve evropian që tashmë i ka fituar”, shkruan Inside, përcjellë nga Express.
Beqa, e cila ka fitnesin e vet bashkë me burrin në kryeqytetin e Kosovës, Drenin, u shpall kampione e përgjithshme bote në kategorinë “Wellness Fitness”, ndërsa më parë e rrëmbeu të artën në kategorinë deri 163 centimetra. “Pata vetëbesim në aftësitë e mia.
Bota është vend i madh me shumë kombe të mëdha. Ndihem shumë krenare me atë që kam arritur të bëj për vendin tim”, ka thënë Beqa për Inside The Game, pasi e mposhti Angela Borgesin nga Brazili në super finale. (b.an)
