Deputeti demokrat Genc Ruli ka komentuar debatet brenda PD, reagimin e Bashës, por edhe veprimet e tij në vazhdim.
“Jeta e një partie nuk është plot gjëegjëza. Debatet janë gjithmonë konstruktive”, tha ai.
Ndërkohë Lulzim Basha lidhur me kritikat e Rulit dhe debatet brenda partisë tha se “Në Partinë Demokratike ka debat më shumë se kurrë më parë në historitë e saj dhe kjo nuk është aksidentale, por është produkt i lidershipit tim”.
Genc ruli dhe disa ishministra dhe deputetë të PDsë, që konsiderohen dhe si “garda e vjetër”, janë vënë në qendër të sulmeve gjatë javëve të fundit nga krerët e PDsë në rrethe.
Për këtë arsye, Ruli pati një debat të ashpër me Bashën, për të cilin tha se ose duhet t’u kërkojë llogari atyre, ose duhet të pranojë se është ai iniciatori i sulmeve.
