Reforma në drejtësi duhet të jetë gjithëpërfshirëse, duke tërhequr në të edhe mendimin e botës akademike.
Ky është mesazhi i Presidentit të Republikës, Bujar Nishani, në një takim me studentët e fakultetit të drejtësisë.
Presidenti, njëherazi edhe kryetar i Këshillit të Lartë të Drejtësisë, ka pranuar se në Shqipëri ka edhe “gjyqtarë që nuk kanë lidhje me sistemin, të cilët kanë arritur të depërtojnë në forma të ndryshme”.
Prandaj Presidenti e sheh si të domosdoshme reformën në drejtësi, për të cilën thotë se është “çatia dhe ngrehina e shtëpisë”.
Kritikat e Nishanit nuk kanë munguar as për prokurorinë, duke u shprehur se “ka prokurorë që nuk bazohen tek oficeri i policisë gjyqësore”.
