Deputeti Genc Pollo është përplasur me ambasadorët Lu dhe Vlahutin, në mbledhjen e grupit parlamentar të PD-së, ku kanë marrë pjesë edhe këta të fundit.
Pollo ka thënë se është e papranueshme që t’iu bëhet presion për të votuar reformën në drejtësi.
Debati:
Romana Vlahutin: Detyrimi im është t’ju tregoj avancimin e Shqipërisë nga këndvështrimi europian. Ne kemi investuar kapital politik, para dhe ekspertizë në Shqipëri. Në rast se nuk do ketë ndërhyrje të thellë dhe të fortë në këtë reformë nuk mund ta ndihmojmë Shqipërinë në rrugën e BE.
Donald Lu: Kam dëgjuar se keni filluar diskutimin mbi ardhjen tonë në mbledhje. Nuk do ketë kapërcim të ‘vijës së kuqe’. Prania mia është shprehje e rëndësisë së reformës, por jo urdhër….
Jemi të përgatitur për të qenë konstruktiv. Por duam edhe opozitë konstruktive. Kjo reformë të marrë miratim dhe të zbatohet. E vetmja pyetje është si do ta bëjmë?
Duhet të ketë bashkëpunim të gjitha partive….
OPDAT ka përagatutir një draft të mirë sipas rekomandimeve të Venecias.
Genc Pollo: Eshtë e papranueshme ajo që kam lexuar në gazeta, se ambasadorët kanë deklaruar “se do të turpëroheni nëse nuk votoni tani reformën”. Kështu nuk pranohet, që t’i thuhet deputetit voto pa e lexuar.
Trajtohet kjo reformë në mënyrë të pabesueshme. Po të kesh verejtje për të, do të thotë se je hajdut, antievropian, antiamerikan…, etj. (tema / a.r)
