Gazetarja franceze e udhëtimeve Saliha Hadj-Djilani është ndalur këto ditë në rivierën shqiptare. Sikurse shihet në postimet e saj në rrjetet sociale ajo ka udhëtuar nga Tirana drejt Palasës dhe Dhërmiut, ku në videot e saj të shkurtra flet në vlerësime maksimale për rivierën shqiptare.
E specializuar në gazetarinë e turizmit, ajo realizon emisionin e saj në radion franceze RMC dhe njëkohësisht shkruan në guidën më të madhe franceze të udhëtimeve “Petit Futé”. Saliha është njëkohësisht autore realizuese e disa podcasteve lidhur me udhëtimin.
Shqipëria do të jetë pjesë e programit të saj “C’est bon de se retrouver”, më datë 12 gusht. Kujtojmë se kjo vizitë e gazetares në Shqipëri, vjen pas udhëtimeve të saj në Dubai, Stamboll, Maldive, Seychelles, Napoli dhe Capri.
/a.r
