Presidenti Meksikan Andres Manuel Lopez Obrador hodhi poshtë ofertën e Donald Trump për të ndihmuar Meksikën në fultën me kartelet e drogës dhe ‘t’i fshijë ata nga faqja e dheut’ pas një vrasjeje masive të qytetarëve amerikanë.
López Obrador të Martën hodhi poshtë qëndrimin e Trump, duke thënë se paraardhësit e tij zhvilluan luftë kundër karteleve ‘dhe kjo nuk funksionoi’.
Ai u tha gazetarëve në Meksikë se do të fliste me homologun e tij amerikan për ta falënderuar atë për ofertën por nuk mendoi se ndihma amerikane ishte e nevojshme.
“Unë nuk mendoj se kemi nevojë për ndërhyrjen e një qeverie të huaj për t’u marrë me këto raste,” tha ai.
Biseda mes dy krerëve të shteteve, pas ngjarjes makabër ku 9 anëtarë të një familjeje, shtetas amerikanë dhe meksikanë, u vranë në një pritë, u konfirmua edhe nga Shtëpia e Bardhë. “Presidenti Trump bëri të qartë se Shtetet e Bashkuara dënojnë këto sulme të pakuptimta e të dhunshme që morën jetën e shtetasve amerikanë dhe ofroi ndihmë për të sjellë para drejtësisë përgjegjësit.
Ishte presidenti i Shteteve të Bashkuara, Donald Trump, që bëri thirrje Meksikës që me ndihmën e SHBA-së, t’i luftojë kartelat e drogës.
“Nëse Meksika kërkon apo i duhet ndihmë për pastrimin e këtyre monstrave, Shtetet e Bashkuara janë të gatshme dhe janë në gjendje për t’u përfshirë dhe për ta bërë punën shpejt dhe në mënyrë efektive”, tha Trump në një postim në Twitter.
Prita ka ndodhur të hënën në Ranço de la Mora, një zonë famëkeqe për trafikantët e drogës.
Julian Lebaron tha për mediat në Meksikë se kushërira e tij ka qenë duke udhëtuar me katër fëmijët e saj, kur automjeti i tyre është sulmuar dhe vënë në zjarr me viktimat brenda.
Dy automjete të tjera u gjetën po ashtu me trupat e pajetë të dy grave, të një djali dhe të një vajze.
Trump tha se presidenti i Meksikës, Andres Manuel Lopez Obrador, e ka bërë luftimin e karteleve të drogës një çështje të madhe, por shtoi se “kartelat janë bërë aq të mëdha dhe të fuqishme saqë ndonjëherë ju duhet një ushtri për të mposhtur një ushtri”./ Javanews
g.kosovari
