Këshilli i Lartë i Prokurorisë ka përfunduar ditën e sotme intervistimin e 5 kandidatëve për SPAK. Në seancën e sotme nuk është paraqitur prokurori Dritan Prençi, për të cilin KLP nuk ka patur gati materialet e vlerësimit. Në vend të tij është thirrur Behar Dibra i cili nuk u paraqit ditën e djeshme me argumentin se në të njëjtën kohë kishte një seancë gjyqësore.
Ditën e sotme janë pyetur nga KLP edhe prokurorët Edvin Kondili, Elida Kaçkini, Dorjana Benko dhe kryeprokurorja e Prokurorisë së Tiranës, Elisabeta Imeraj.
Kjo e fundit është pyetur për çështjen e ish-drejtorit të burgjeve, Artur Zoto, i cili ka marrë pafajësinë në Apel. Lidhur me të, Imeraj është shprehur se ka respektuar ligjin dhe do të vepronte po njëlloj edhe tani. E pyetur se çfarë do bënte më shumë në SPAK, ka deklaruar se rezultatet do të jenë më të mira pasi do kenë edhe Byronë e Hetimit dhe kushte më të mira për të luftuar.
g.kosovari
