Kryeministri Edi Rama ka qenë para para dy ditësh në kampin e të rinjve të FRESSH në Jal. Mes batutave dhe të qeshurave, kryeministri Rama mesa duket ju ka dhënë edhe disa këshilla të rinjve të forumit ndër më të mëdhatë në vend.
Siç shkruan kryeministri në facebook, FRESSH do të jetë një nga mekanizmat e pazëvendësueshëm për të realizuar objektivin e kësaj hapjeje të re që fillon në shtator.
“Dje në kampin veror të të rinjve eurosocialistë në Jalë në një bashkëbisedim për transformimin cilësor të FRESSH, që është bërë me mund e me largpamësi, si edhe për sfidat e mundësitë që ky transformim të shfrytëzohet si një pikënisje për të arritur një transformim të madh sasior; për të pasur një shtrirje kapilare të organizatës në të gjithë territorin, duke synuar gjithmonë që më të mirët të jenë pjesë e jona. Partia Socialiste ndodhet në prag të një hapjeje të re, me synimin që në qershorin e vitit të ardhshëm, në 25-vjetorin e PS, të kemi 150 mijë anëtarë. Sigurisht që FRESSH, do të jetë një nga mekanizmat e pazëvendësueshëm për të realizuar objektivin e kësaj hapjeje të re që fillon në shtator.”, shkruan Rama në Facebook.
Synimi i PS është që në 25-vjetorin e saj, të ketë mbi 150 mijë antarë, ndaj hapja e FRESSH dhe Partisë Socialiste që fillon në shtator, janë rruga drejt arritjes së objektivave, a theksuar kryeministri Rama.
Ndërkohë nga ana tjetër, kryeministri shihet i veshur sportiv me syzet e tij të preferuara dhe sipas burimeve nga FRESSH, batutat e tij me të rinjtë por dhe deputetët e ministrat nuk kanë munguar, siç i kemi përcjellë ditë më parë në javanews.al.
