Gol-karton i kuq, gol-karton i kuq, për pesë herë me radhë është përsëritur kjo skemë në ndeshjen Kayserispor-Galatasaray, që në minutën e 9-të shtesë pa skuadrën mike të fitojë me rezultatin 2-3.
Pedro Henrique shënoi në pjesën e parë për Kayserispor, ndërsa në të dytën Adbennour u ndëshkua me kartonin e dytë të verdhë dhe Belhanda barazon me penallti.
Pedro Henrique ndëshkohet edhe ai me karton të kuq dhe lë skuadrën me 9 lojtarë. Tre minuta para fundit Rayn Babel shënon golin e avantazhit, por dy minuta më vonë Emre Mor ndëshkohet me karton të kuq, për një ndërhyrje krejt normale.
Në minutën e parë shtesë Bulut barazon shifrat, por katranos gjithçka duke marrë kartonin e dytë të verdhë brenda tre minutave. Ndërkohë që në minutën e 9-të shtesë Buyuk shënoi golin e fitores për Galatasaray, pas një harkimi të Feghouli.
