Gafat e ish-kryeministrit Sali Berisha nuk kanë fund, edhe në një kohë që ai nuk është në pushtet dhe përpiqet që të akuzojë qeverinë me çdo gjë që i kap syri nga Ipad-i i tij.
Ditën e djeshme përmes një postimi në Facebook, Berisha akuzonte se ish-përgjegjësi i sektorit të anti-kontrabandës, Ervin Kaja, është arrestuar në Itali për trafik kokaine.
Por e vërteta është krejt ndryshe, pasi në fakt i arrestuari është një tjetër person. Ai quhet Ervin Kajo, jo Kaja, 31 vjeç, nga Kavaja.
I kontaktuar nga Gazeta TemA ish-drejtori i Anti-kontrabandës Tokësore, Ervin Kaja. Ai thotë se ndodhet në Shqipëri dhe sa ka dhënë dorëheqjen vullnetarisht më 17 mars, pasi i ka lindur fëmija e tretë dhe për më tepër, nuk mund ta bënte dot atë punë, pasi nuk kishte specializimin e duhur.
Megjithatë kjo nuk është hera e parë që Berisha bën gafa të tilla, por të akuzosh pa verifikuar akuzat nuk është më “a miracle of freedom”.
