Gabriel Garcia Marquez “kthehet në shtëpi”
Gabriel Garcia Marquez do të prehet në vendlindje. Familja e shkrimtarit të njohur amerikano-latin, i cili u nda nga jeta në pril të 2014-s në Meksiko City, ka vendosur që trupi i tij të kthehet në Cartagena de Indias, qyteti bregdetar me të cilin mbeti i lidhur gjatë gjithë jetës së tij.
Eshtrat e fituesit të çmimit Nobel për letërsinë do të prehen në Chiostro De la Merced, manastiri shekullor në qendrën historike të qytetit.
Marquez konsiderohet si një nga autorët më të mëdhenj të shekullit të njëzetë dhe ndoshta shkrimtari më i mirë që ka shkruar në spanjisht. Në vitin 1972, Marquez është vlerësuar me çmimin Neustadt International Prize For Literature dhe 10 vjet më vonë me çmimin Nobel për letërsinë.
