Në Lumin e Vjosës dyshohet se është mbytur një shtetas. Ngjarja e rëndë ka ndodhur në fshatin Novoselë të Vlorës.
Menjëherë Policia është afruar në vendin e ngjarjes dhe ka konstatuar se lindje të fshatit Novoselë, në afërsi të një pike të përpunimit të inerteve e quajtur “Lavatriçja e vjetër”, shtetasi me inicialet D.Gj., rreth 27 vjeç, banues në Fier (punëtor në këtë objekt), dyshohet se është futur në lumin e Vjosës për tu larë dhe nuk ka dalë më në breg.
Shtetasi në fjalë ka qenë nën shoqërinë e kolegut të tij (punëtor në të njëjtin objekt), me inicialet I.I., 53 vjeç, banues në Fier, i cili ka telefonuar menjëherë në Sallën Operative Vlorë duke kërkuar ndihmë.
Nga ana jonë janë njoftuar Shërbimet e Polumbarëve si dhe Policia Kufitare.
Vazhdojnë kërkimet për gjetjen e këtij shtetasi pasi dyshohet të jetë mbytur në ujë./a.m.
