Ndeshjet e javës së 9-të të kampionatit rus do të nisin të gjitha me 1 minutë duartrokitje në nder të pilotit dhe anëtarëve të ekuipazhit të avionit Airbus A321, të cilët këtë të enjte kanë realizuar një ulje emergjence në një fushë gruri, duke shpëtuar jetën e shumë pasagjerëve.
Lajmin e ka konfirmuar liga ruse e futbollit në faqen e saj zyrtare. Avioni i kompanisë “Ural Airlines” është ndeshur me një tufë pulëbardhash, që kanë shkaktuar avarinë e tmerrshme në motorët e mjetit.
Sipas informacionit të qarkulluar, në bord të avionit ishin 226 pasagjerë dhe 7 anëtarë të ekuipazhit, që udhëtonte drejt Simferopol. Vendimi për të zbritur avionin mbi një fushë gruri, më shumë se 1 kilometër larg aeroportit, me motorët e fikur, pa shkaktuar asnjë zjarr apo shpërthim, duke shpëtuar jetën e të gjithë personave në bord.
Madje pa të dëmtuar të raportuar, piloti dhe anëtarët e ekuipazhit konsiderohen heronj në Rusi. Ja pse liga ruse e futbollit ka marrë vendimin për të nderuar me një minutë duartrokitje pilotin dhe asistentët e tij, për ndeshjet e datave 18 dhe 20 gusht.
/a.r
