Prokuroria e Korçës ka kërkuar dënimin me 6 vite e 6 muaj burgim për 4 persona, të cilët akuzohen për “Kontrabandë me mallra të tjera” dhe “Shpërdorim i detyrës”, në bashkëpunim. Gjykimi ndaj të pandehurve është zhvilluar me gjykim të shkurtuar, ku me uljen e 1/3 së dënimit, ata do të vuajnë 3.4 vite burgim. Personat e pandehur janë shtetasit Kristi Brisku (shofer kamioni), Vasfi Toska (përgjegjës turni në doganë), Mishel Zguri dhe Devi Beçolli (doganierë). Hetimi për këta persona ka nisur në nëntor të vitit të shkuar, kur Kristi Brisku u kap me një kamion të cilin e kishte ngarkuar me rroba të vjetra në formën e dengjeve dhe të thasëve, raporton gsh.al. 23-vjeçari Brisku akuzohet për “Kontrabandë me mallra të tjera” dhe 3 të pandehurit e tjerë për “Shpërdorim detyre”.
a.ç
