Një aksident me pasojë një të vdekur ka ndodhur në aksin rrugor Fushë Krujë-Tiranë mbrëmjen e sotme. 
Një makinë ka përplasur për vdekje këmbësorin A.Ç. 18 vjeç. Mësohet se 18-vjeçari u përplas nga makina teksa po ecte në anë të rrugës.
Shkak i aksidentit dyshohet shpejtësia e madhe e automjetit. Forca policie në vendngjarje kanë nisur hetimet për zbardhjen e plote të ngjarjes.
Njoftimi i policise:
Me date 25.04.2018,rreth orës 18:15, në aksin rrugor Fushë Kruje-Kamez, ne vendin e quajtur Larushk, mjeti me targa AA 714 TA, me drejtues shtetasin F.Rr. ka aksidentuar me pasojë vdekje shtetasin këmbësor A. Ç. 18 vjeç, banues ne Larushk.
Drejtuesi i mjetit është shoqëruar në ambientet e Stacionit të Policisë Fushë- Krujë ku po pyetet nga ana e Oficerëve të Policisë për rrethanat e aksidentit dhe kryerjen e veprimeve të mëtejshme procedurale.
