Një sipërfaqe e madhe e mbuluar me pemë e shkurre është përfshirë nga flakët në vendin e quajtur “Kodra e locëve” në Fushë Krujë. Zjarri është përhapur dhe ka djegur disa hektarë tokë dhe i është afruar banesave.
Ende nuk dihen shkaqet, por era ka favorizuar që zjarri të përparojë në mënyrë të ndjeshme në vendin e quajtur “Kodra e locëve” që ndodhet në dalje të Fushë Krujës.
Një zjarr tjetër i përmasave të mëdha ka përfshirë masivin pyjor në fshatin Prull të Lezhës. Flakët janë konstatuar në orët e drekës dhe të favorizua nga era janë përhapur me shpejtësi në një sipërfaqe të konsiderueshme. Për shkak të terrenit është e pamundur ndërhyrje e zjarrfikësve. Aktualisht ne terren janë vetëm punonjësit e shërbimit pyjor të cilët po ndërhynë me mjete rrethanore.
/Shqiptarja.com
