Ministri jashtëm rus, Sergei Lavrov ka fajësuar Berlinin për marrëdhëniet jo të mira mes Rusisë dhe Gjermanisë.
“Ne u japim rëndësi të madhe marrëdhënieve me Gjermaninë dhe nuk është faji jonë që ne jemi në periudhë të vështirë”, ka thënë Lavrov.
Kryediplomati rus dhe homologu i tij gjerman, Frank Walter Steinmeier, pritet të takohen sot për të diskutuar çështje që kanë të bëjnë me energjinë, por bisedimet do të fokusohen edhe në konfliktet në Ukrainë dhe Siri.
Aneksimi që i ka bërë Rusia gadishullit ukrainas të Krimesë dhe përkrahja për separatistët në pjesën lindore të Ukrainës ka dëmtuar tejmase marrëdhëniet e Rusisë me Bashkimin Evropian.
Qëndrimi i Gjermanisë ka qenë i vendosur që BE ta vazhdojë sanksionet kundër Rusisë për veprimet e sipër përmendura.
BW/d.i.
