Një 26-vjeçar u arrestua nga Policia në Bulqizë, pasi qarkullonte me armë zjarri pa leje në qytet.
Specialistët për Hetimin e Krimit në Komisariatin e Policisë Bulqizë arrestuan në flagrancë Mirsad Pepa, 26 vjeç, banues në Shkodër.
Arrestimi i tij u bë, pasi shërbimet e policisë kanë marrë informacion se i riu mbante armë me vete dhe ishte strehuar në banesën e gjyshes në fshatin Zerqan.
Gjatë kontrollit të ushtruar nga Policia në kushtet e flagrancës në banesën e të moshuarës Sh.K, në Zerqan, Bulqizë, nipi i saj Mirsad Pepa, në momentin që forcat e policisë janë futur në banesë, ka hedhur nga dritarja një armë zjarri Pistoletë TT, me krehër të mbushur me 7 fishek.
Gjatë kontrollit të imtësishëm të banesës është gjetur edhe një fishek pistolete model 54.
Policia e Shtetit njofton se “kontrolle të tilla do të vijojnë në të gjithë territorin e Qarkut Dibër”./a.m.
