Pas muajsh të tërë krize, më në fund Italia ka qeverinë e re. Populistët bashkuan forcat dhe krijuan qeverinë e drejtuar nga Giuseppe Conte i cili do të jetë kryeministri.
Ministria e Brendshme, që është edhe më e rëndësishmja do të drejtohet nga lideri i “Lega-s”, partisë së ekstremit të djathtë që njihet si ‘armike’ e emigrantëve.
Mateo Salvini, ka fituar jo pak vota nga retorika e tij kundër emigrantëve por mos të harrojmë edhe politikat e partisë që ai drejton derti tek kërkesa për ndarjen e Italisë së Veriut. Dikur partia e tij quhej “Lega Nord” dhe ‘luftonte për Veriun e begatë’, tashmë ajo është thjesht “Lega”.
Sapo presidenti Matarella dekretoi qeverinë e re, Salvini iu rikthye retorikës normale të forcës që drejton: luftës ndaj emigrantëve. Ai kërcënoi se plot 500 mijë emigrantë do të largohen nga Italia.
“Italia do të hapë dyert për njerëzit e mirë, dhe do të kthejë ata që kanë ardhur në Itali për të bërë trazira. Një nga përparësitë kryesore do të jetë kthimi i tyre në shtëpi”, – tha ai.
A duhet të shqetësohen emigrantët sqiptarë pas kësaj deklarate? Për të githë ata që janë pa dokumente të rregullta ky është një lajm i keq. Plani është për largimin e emigrantëve të jashtëligjshëm të çfarëdo kombësie qofshin.
Nga strategjia e dëbimit nuk bëjnë pjesë as shqiptarët, edhe pse bashkëkombasit tanë janë kryesisht emigrantë me dokumente të rrugullta. Shumë pak mund të jenë emigrantë të jashtëligjshëm.
Salvini ka sugjeruar gjithashtu t’i kthejë qendrat e recepsionit në qendra ndalimi, dhe të ndryshojë destinacionin e shumë fondeve për të kryer dëbime në masë. Me rregullat e tanishme, çdo emigrant që dëbohet me avion duhet të shoqërohet nga dy agjentë italianë, gjë që kushton rreth 3000 Euro. Një studim i fundit nga L’Espresso thotë se plani i Salvinit për të dëbuar 500,000 emigrantë do të kushtonte 1.5 miliardë euro.
Por kujtojmë se ky plan, bën pjesë edhe te premtimet e fushatës së Salvinit.
“Synojmë të largojmë gjysmë milionë emigrantë të parregullt, të cilët aktualisht jetojnë në Itali. Këtë do e bëjmë duke ndjekur të gjitha rregullat normative”, deklaronte Salvini para disa muajsh, gjatë fushatës elektorale. Ai e argumentonte këtë nismë me faktin se italianët nuk janë racistë, por pasojat e emigracionit të pakontrolluar janë të mëdha./a.m.
