Policia e Shtetit i ka bërë thirrje Partisë Demokratike të rreshtohet në anën e ligjit dhe institucioneve, duke hedhur poshtë pretendimet se nuk ka pasur komunikim me policinë holandeze për Arben Frrokun.
Në komunikatë, thuhet se policia ka qenë në komunikim të vazhdueshëm me homologët holandezë, sapo ka ardhur sinjali i parë për vendndodhjen e Frrokut.
“Autoritetet shqiptare kanë patur komunikim me partnerët dhe sapo ka ardhur sinjali i parë për vendndodhjen e të dyshuarit Arben Frroku, brenda një kohe rekord janë dërguar në Holandë të dhënat krahasuese dhe dje në orët e pasdites është konfirmuar identiteti, u shpall arresti dhe nisi procedura e ekstradimit të tij”, thuhet në deklaratën e Policisë.
Policia siguron për vullnetin për të bërë detyrën me korrektesë e në përputhje me ligjin.
Deklarat
“Në respekt të opinionit publik, theksojmë edhe njëherë angazhimin e Ministrisë së Punëve të Brendshme dhe Policisë së Shtetit për të përballur me drejtësinë, çdokënd që ka shkelur ligjin. Dosja “Frroku” dëshmon më së miri vullnetin e Policisë së Shtetit për të bërë detyrën me korrektesë absolute në përputhje me ligjin.
Autoritetet shqiptare kanë patur komunikim me partnerët dhe sapo ka ardhur sinjali i parë për vendndodhjen e të dyshuarit Arben Frroku, brenda një kohe rekord janë dërguar në Holandë të dhënat krahasuese dhe dje në orët e pasdites është konfirmuar identiteti, u shpall arresti dhe nisi procedura e ekstradimit të tij.
Ministria e Punëve të Brendshme i bën thirrje PD-së të rreshtohet në anën e ligjit dhe institucioneve, e të lërë drejtësinë të bëjë drejtësi ndaj krimit, pa dallim. Politika me krimin nuk ndihmon askënd e as mund të përdoret për të shmangur detyrimin madhor para qytetarëve, për reformën në drejtësi”.
