Deputeti M.Frroku kërkesë në Kushtetuese të marrë pjesë në Kuvend Avokatët e Mark Frrokut dorëzuan kërkesën në Gjykatën Kushtetuese Avokatët:
Deputeti Mark Frroku kërkon rikthimin e tij në Parlament. Kanë qenë avokatët e Frrokut të cilët kanë depozituar sot në Gjykatën Kushtetuese kërkesën që klienti i tyre të marrë pjesë në seancat parlamentare.
Sipas avokatëve vendimi i masës së arrestit me burg për Frrokun nuk ka formë të prerë dhe në bazë të kësja ai mund të marrë pjesë në Kuvend si dhe të ndjekë komisionet parlamentare.
Sipas tyre për sa kohë që nuk ka masë ndaluese mandati i Frrokut është i vlefshëm.
“Nuk ka vendim të formës së prerë për kryerjen e një krimi. Mark Frroku ka të drejtë të shkojë në Kuvend. Ai gjithashtu ka të drejtë të ndjekë komisionet parlamentare pasi për sa kohë s’ka masë ndaluese, mandati i Frrokut është i vlefshëm.” thanë avokatët
Deputeti Mark Frroku ndodhet tashmë prej javësh në qeli, me masën e arrestit me burg lidhur me dyshimet se në vitin 1999 ka vrarë një shqiptar në Blegjikë.
Redaksia Online
(JavaNews.al)
