Ekspertët e OSBE/ODIHR kanë publikuar ditën e sotme një raport paraprak për zgjedhjet e 21 qershorit ku thekson se akuzat e ashpra mes PD dhe PS si dhe klima e polarizuar do të ndikojë negativisht në zgjedhje.
Sipas ODIHR klima politike nuk i shërben zgjedhje dhe se do të ketë impakt në to. Sa i përket Komiisionit Qendror të Zgjedhjeve, raporti nënvizon se ai ëshët një institucion i pambrojtur nga presioni politik dhe se nuk kanë konfidencë të plotë.
“Klima politike është e polarizuar mes PS-së në pushtet dhe PD-së në opozitë, e cila pak kohë më parë i dha fund bojkotit parlamentar. Ekipi i OSBE/ODIHR, gjatë takimeve që pati, u shpreh se, ashpërsimi i retorikave politike mes partive do të ketë impakt negativ në zgjedhje. Përsa i përket KQZ-së në këtë raport thuhet: “Bashkëbiseduesit nënvizuan se Komisioni Qëndror i Zgjedhjeve dhe komisionet në nivel lokal janë të pambrojtur nga presioni politik dhe nuk kanë një konfidencë të plotë. Disa shqetësime na janë shprehur për ditën e zgjedhjeve që lidhen me procedurat e numërimit të tabulimit”, thuhet në raport.
Raporti shprehet më tej se ekspertëve të OSBE/ODIHR u është kërkuar që të sjellin numrin më të madh të vëzhguesve për të monitoruar procesin zgjedhor.
Bazuar në këto kërkesa raporti vë në pah faktin se do të jenë 24 vëzhgues afatgjatë si dhe 250 vëzhgues afatshkurtër që do të ndjekin ditën e votimeve si dhe procesinn e numërimit.
“Bashkëbisedues të tjerë na kërkuan që OSBE/ODIHR të sjellë numrin më të madh të mundshëm të vëzhguesve për të monitoruar të gjitha shkallët e procesit, në mënyrë të posaçme punën e administratës zgjedhore, regjistrimin e kandidatëve, fushatën elektorale dhe procedurat që do të ndiqen ditën e zgjedhjeve si numërimin, tabulimin dhe rezultatin. Misioni faktmbledhës rekomandon dërgimin e një misioni vëzhgimi për zgjedhjet e ardhshme. Fillimisht duhet të dërgohen 24 vëzhgues afatgjatë për të ndjekur procedurat në të gjithë territorin e Shqipërisë. Më pas, një ekip me vëzhgues afatshkurtër prej 250 personash, për të ndjekur ditën e zgjedhjeve, procedurat, votimin, numërimin, tabulimin dhe rezultatin”. nënvizohet në raport.
Raporti i OSBE/ODIH vjen pas një misioni faktmbledhës dyditor në Tiranë për zgjedhjet e 21 Qershorit.
Redaksia Online
(JavaNews.al)
