Prokurori i çështjes ka marrë sot në pyetje deputetin Mark Frroku në ambientet e një spitali privat të Tiranës. Burime nga spitali bëjnë me dije se takimi mes akuzës dhe të akuzuarit ka zgjatur vetëm dhjetë minuta, ndërkohë që i pranishëm ka qenë edhe avokati i deputetit Frroku.
Mësohet se përgjigjet e Frrokut kanë qenë të shkurtra duke u shprehur se nuk ka asnjë dijeni në lidhje me rastin “Doshi”. Në këtë mënyrë, Mark Frroku i ka qëndruar besnik deklarimeve të tij të mëparshme, ndërsa prokurori Adnan Xholi ka lënë më pas ambientet e spitalit/
Frroku ndodhet në spital për shkak të problemeve shëndetësore. Siç bëhet e ditur, ai ka kryer edhe një EKG të zemrës ditën e djeshme ndërsa pritet të kryejë një operacion pasi rrezikon infarkt.
