Do të ndodhë, por vetëm gjatë fushatës dhe vetëm në Tiranë. Mësohet se dy partitë e koalicionit, partia e Ramës dhe Metës, do të kenë një shtab elektoral unik gjatë zgjedhjeve, do të evitojnë siglat e tyre partiake dhe do të dalin me një stemën e koalicionit.
Një lëvizje kjo për të maksimalizuar votat në kryeqytet dhe për të evituar çdo dyshim për diferenca në qëndrime dhe në angazhimin elektoral. Nuk dihet nëse ky eksperiment, që për momentin mbetet brenda kufijve zgjedhorë, do të jetë paradhoma e ndonjë bashkimi në të ardhmen.
Është folur shpesh rreth mundësisë që këto dy parti politike të shkrihen mes tyre, për të formuar një parti të madhe të majtë, ndoshta në prag të zgjedhjeve të vitit 2017.
