Një peshkop grek ka deklaruar se qytetarët janë duke blerë armë, nga frika e 50 mijë refugjatëve që kanë mbetur të mbyllur në Greqi.
Fragkiskos Papamanolis ka thënë se rritja e shitjes së armëve të zjarrit është alarmuese.
“Situata nuk është e qetë dhe nuk di si të do zhvillohet. Gjëja më e keqe është se njerëzit kanë filluar të pajisen me armë”, ka thënë ai. “E kam shikuar një raport në televizor, ku një shitës i armëve të gjuetisë ka thënë se ka shitur për një muaj më shumë se sasia e zakonshme për tërë vitin”.
Papamanolis, që ka thënë se “e kupton shqetësimin e vendasve”, por shton se i dhimbsen refugjatët të cilët kanë mbetur në Greqi, pasi janë mbyllur të ashtuquajturat rrugë Ballkanike.
“Refugjatët e kanë me të drejtë: ata nuk mund të tolerojnë presionin johuman që u bëhet nëpër qendrat për refugjatë. Qytetarët e zakonshëm e kanë mirë, sepse po frikësohen nga refugjatët të cilët në raste të shpeshta janë sjellë dhunshëm dhe kanë kanosur sigurinë”, ka përfunduar peshkopi.
Telegrafi