Frika nga ndonjë atentat i mundshëm terrorist, ka bërë që Moska të marrë një vendim për të mbyllur Sheshin e Kuq në Kremblin në natën e ndërrimit të viteve. Sheshi i famshëm rus do të qëndrojë i mbyllur për publikun dhe masat e gjëra të qytetarëve dhe në të do lejohen të marrin pjesë vetëm një publik i pakët në numër dhe i kontrolluar njerëzish.
Cdo vit në sheshin e kuq në Kremlin organizohet një mbledhje tradicionale, ku mijëra persona mblidhen për të festuar Natën e Vitit të Ri.
“Zakonisht në këtë shesh mblidhen mijëra Rusë dhe turistë që festojnë Vitin e Ri nën tingullin e këmbanave të Kremlinit, por këtë vit, policia do të bllokojë hyrjen…gjatë koncertit të Vitit të Ri që do të transmetohet drejtpërdrejt në kanalin publik shtetëror, mund të marrë pjesë vetëm një publik i ngushtë, i cili do të zgjidhet paraprakisht nga autoritetet lokale”. -tha shefi i departamentit të sigurisë së qytetit, Alexei Maiorov, i cituar nga faqja e internetit e Bashkisë.
