Kryetari i Bashkisë së Tiranës, Erion Veliaj, priti sot anëtarët e grupit muzikor “Gjurmët”, të cilëve u dorëzoi “Çelësin e qytetit”.
Grupi “Gjurmët” ndodhet ne Tiranë për të marrë pjesë në një koncert që do të zhvillohet ditën e nesërme më 29 dhjetor ku do të performojnë së bashku me 20 të ftuar të tjerë.
Ata janë nderuar nga kryebashkiaku i Tiranës në shenjë mirënjohjeje ndaj këtij grupi dhe kontributit të dhënë për disa dekada në muzikën shqiptare.
Me rastin e festave të fundvitit, Bashkia e Tiranës ka organizuar një sërë koncertesh që do të kulmojnë më 31 dhjetor, ku janë ftuar të gjithë qytetarët të marrin pjesë dhe natën e ndërrimit të viteve ta kalojnë në sheshin “Nënë Tereza”.
Krahas koncertit muzikor, stafi i bashkisë ka menduar edhe për një spektakël fishekzjarresh për ta bërë më të bukur pritjen e Vitit të Ri.
