Sekretari i Përgjithshëm i FRD,Gazmend Oketa, u është përgjigjur deklaratave të pak ditëve më parë të liderit të PD Lulzim Basha, i cili tha se partia e tij dhe opozita është e hapur për aleanca të reja me këdo parti që e ndien veten në opozitë me këtë qeveri.
Sipas Oketës, FRD nuk ka negociata për bashkëpunim me PD-në, ndërsa me PS-në po qeverisin vetëm në nivel lokal dhe jo qëndror.
“FRD nuk bëhet pjesë e asnjë koalicioni për të rrëzuar njërin politikan dhe për të ngritur tjetrin në karrigen e pushtetit. FRD-ja kërkon që kjo mundësi t’u jepet qytetarëve shqiptarë nëpërmjet një procesi zgjedhor të lirë e të ndershëm. Është ende herët për të shprehur qëndrimin e FRD-së, por një gjë mund ta them me siguri: ai qëndrim do jetë rrjedhojë e pozicionit të forcave politike përkundrejt reformës kushtetuese, reformës në drejtësi dhe asaj zgjedhore”, tha Oketa për Gazetën Shqiptare.
Panorama
