I ftuar mbrëmjen e sotme në emisionin Kapital, të gazetarit Aleksandër Furxhi, në ekranin e Vizion Plus ishte Ministri i Shtetit dhe Ministri i Brendshëm Francez, Gerard Collomb.
20% e kërkesave për azil në Francë janë shqiptar.
Për opinionin publik në Shqipëri nuk është e panjohur se në France, ne tri vitet e fundit, ka pasur një valë të madhe kërkesash për azil nga shtetas shqiptarë. Si është aktualisht kjo çeshtje ?
Sapo u emërova Ministër I Brendshëm u takova me kolegun tim shqiptar për ta diskutuar këtë problem. Ishte 20 Korrik I këtij viti dhe ramë dakort se duhet ta shihnim me vëmendje këtë problem sepse kjo situatë përbënte një frenim për udhëtimin e Shqipërisë drejt hyrjes në Europë. Patëm diskutuar në mënyrë mjaft pozitive, patëm vënë në funksionim një mekanizëm që na lejonte së pari, që disa njerëz të mos niseshin nga Shqipëria me synimin për të kekuar strehim në Francë, dhe së dyti kur ne të shpallnim dëbimin e azilkërkuesve të merreshin masa për I pritur ata në Shqipëri.
Sipas disa të dhënave ka aktualisht rreth 7 mijë kërkesa për azil të shqiptarëve në France. Cili është qëndrimi i shtetit francez ndaj tyre ?
Kur shohim nivelin e kërkesave për azil në Francë, vëmë re se 20% e kërkesave janë nga shqiptarë, gjë e cila nuk korespondon me madhësinë e vendit. Po kjo dukuri ka qenë mjaft e përhapur. Në tre vitet e fundit rritja ka qenë pothuajse 100%. Siç e dini, vizat për Shqipërinë janë hequr që prej një farë kohe tashmë dhe mund të udhëtohet lirshëm drejt Francës. Kjo ka bërë që ka njërëz që vijnë dhe kërkojnë strehim dhe kjo ka përbërë një problem për ne.
Në shtypin francez aty-këtu ka raporte mbi kiminalitetin në Francë me autorë shqiptarë. Flitet për individë trafikantë droge, për grabitës apo për trafik të emigrantëve ilegal. Sa shqetësim është kjo çeshtje për shtetin francez ?
Sot rrjetet kriminale janë ndërkombëtare, mes tyre ka shqiptarë ashtu sikurse ka dhe nga kombësi të tjera. Është e vërtetë që kemi disa rrjetet kriminale të specializuara në trafikun e drogërave. Gjithashtu siç e dini në Shqipëri Qeveria ka bërë një betejë me përhapjen e cannabis sativa, gjithashtu dhe kundër eksportimit të saj drejt Francës. Siç dihet ka pasur dhe trafik të heroinës, kalime transit nga Afganistani. Me duhet të them që bashkëpunimi mes shërbimeve të dy vendeve tona është sot I shkëlqyer dhe do të vazhdojmë ta përforcojmë. Për të shpërbërë edhe më tej këto rrjete. Gjithashtu në dy vitet e fundit ne kemi parë të na rishfaqen dhe disa rrjete të trafikimit të prostitucionit, të vajzave të reja në Francë. Kështu që më duhet të them që është në interesin e përbashkët të Shqipërisë dhe të Francës që ti shkatërrojmë këto rrjete.
Shqipëria dhe shqiptarët presin me padurim hapjen e negociatave për anëtarësim në BE. Cili është opinioni i Francës në këtë moment për këtë çeshtje ?
Siç ju kam kam thënë Presidentit dhe Kryeministrit si dhe kolegut, Ministrit të Brendshëm, e kuptoj se si dhe pse është kaq e fotë dëshira për të ecur drejt Eurpës. Duhet të përparojmë në këtë drejtim. Siç e dini Presidenti Macron, në fjalimin e tij të mbajtur në Universitetin e Surbonës, kur foli me forcë për ndërtimin e Europës së nesërme, përmendi Ballkanin dhe në mënyrë të veçante Shqipërinë. Pra ne duhet të përparojmë së bashku, por duhet që Shqipëria të bëjë atë që bën sot dhe Franca. Pra reformim I vazhdueshëm I vetvetespër të përparuar. Ju e dini që vitet e fundut të Francë kemi pasur një lloj humbje shprese të njerëzve tek e ardhmja e Europës. Presidenti Macron ishte nga të vetmit kandidat për President që bënte fushatë për Eurponë, në një kohë që të tjerët ishin më së shumti kundër. Pra ne duam që të japim shpresë dhe mendoj që Shqipëria bën pjesë tek kjo shpresë. Nuk duhet që kjo ëndërr e shqiptarëve të bëhet një mirazh, pra që sa më shumë përparojmë aq më shumë kjo ëndërr largohet.
Që pas rënies së regjimit komunist 27-vjet më parë, Shqipëria e ka mbajtur vështrimin të kthyer nga Franca, si një vend i fuqishëm dhe si një nga shtyllat e BE. Por fatkeqësisht lidhjet mes dy vendeve nuk kanë qenë në lartësinë e shpresave të shqiptarëve. Të vjen të mendosh se kjo vjen për shkak se Shqipëria është një vend i vogël, jo i rëndësishëm ekonomikisht e politikisht! Çfarë mendoni për këtë ?
Mendoj se Shqipëria dhe vendet e tjera të Ballkanit përbëjnë një ndjeshmëri të veçante në të gjithë zonën e Mesdheut. Është sit ë thuash vendi ku lëvizin pllakat tektonike. Pra është mirë që kjo lëvizje të jetë në drejtimin e duhur se sa në drejtimin e gabuar dhe mendoj që ne në Francë, do të bëjmë që Shqipëria dhe Ballkani në të ardhmen të luajnë një rol më të madh dhe konstruktiv dhe jo siç pati ndodhur në të shkuarën fatkeqsisht çoi në shtërthimin e luftës në Europë. Pra mendoj që ajo që duam të ndëtojmë të gjithë bashkë është prespektiva e paqes dhe në mënyrë të veçantë prespektivë paqe për brezat e rinj.
ma.me
