Pavarësisht sulmeve të së premtes në Paris dhe qindra viktimave, shto dhe faktin se njëri prej terroristëve ishte një refugjat, Franca do t’i qëndrojë besnike vendimit të saj për të marrë në vend brenda dy viteve 30 mijë refugjatë. Deklaratën e bëri Presidenti Francois Hollande, duke shtuar se mes sulmeve dhe krizës së refugjatëve që po përballon Europa nuk ka asnjë lidhje.
“Disa njerëz u përpoqën të gjejnë lidhje mes lëvizjes së refugjatëve nga Lindja e Mesme dhe kërcënimi terrorist. Lidhja ekziston sepse njerëz nga Iraku dhe Siria jetojnë në zona të kontrolluara nga shteti islamik dhe vriten nga ata që na sulmojnë ne”, – u shpreh Hollande.
Ai gjithashtu kërkoi mbështetjen e kryetarëve të shteteve, veçanërisht në vendosjen e mijëra forcave të sigurisë në komunat e Francës. Ai sugjeroi se autoriteteve lokale u duhet dhënë më shumë fuqi për të ndaluar njerëzit dhe mjetet në disa zona. Referuar të dhënave të policisë mëngjesin e sotëm, Hollande tha:
“ Këto akte edhe një herë konfirmojnë se ne jemi në luftë, në luftë me terrorizmin që vetë e ka nisur këtë luftë.”
