Franca së shpejti do të ndëshkojë të gjithë ata që paguajnë për seks.Deputetët e parlamentit të vendit kanë aprovuar një legjislacion të ri për prostitucionin, pas mosmarrëveshjesh më shumë se dyvjeçare ndërmjet senatorëve.
Sipas ligjit të ri, kushdo që kapet duke paguar prostitutat për seks do të gjobitet dhe do të detyrohet të ndjek ligjërata rreth të këqijave të prostitucionit, shkruan Gazeta Express.
Gjoba për atë që shkel këtë ligj për herë të parë do të jetë 1.500 euro, e në rast se një person e shkel të njëjtin ligj për të dytën herë do të dënohet me një gjobë prej 3.750 eurosh dhe vepra do t’i evidentohet në dosjen penale.
Ligji është miratuar pasi 64 deputetë kanë votuar pro dhe 12 kundër, ndërsa shumë të tjerë nuk kanë marrë fare pjesë në votim, citohet “Express”.
