Nuk vonuan etiketimet “heronj” apo “engjëj” për mjekët, infermierët dhe punonjësit e sistemit shëndetësor, të cilët po përballen me emergjencën e koronavirusit.
Një e vërtetë e hidhur vjen nga provinca e Pisës në Itali, ku një doktoreshë e detyruar të punojë me turne të gjata natën, përfundoi në qendër të kritikave të banorëve të pallatit.
Në derën hyrëse ishte ngjitur një letër, e cila u dënua nga spitali ku gruaja punon.
Siç raporton ‘Il Tirreno’, doktoresha e cila punonte në spitalin e Cisanello (Pisa), kur u kthye në shtëpi gjeti mesazhin që i drejtohej asaj ku shkruhej: “Dije se në këtë pallat jeton një e sapolindur 6 muajshe dhe një zonjë e ve mbi 80 vjeçe. Ndaj bëj kujdes kur përdor hapësirat e përbashkëta apo prek kangjellat, shkallët dhe ambientet ku ecim”.
Spitali ku punon doktoresha, nëpër përfaqësuesve në Urdhrin e Mjekut, Stefano Taddei dhe Marco Taddei, thanë se “Kjo është një sjellje e turpshme, për të cilën nuk mund të rrish në heshtje. Kur mjekët ikin nga spitali, çdo gjë ndodh në kushtet e sigurisë maksimale dhe çdo gjë higjienizohet”.
/a.r
