Tifozët rusë kanë injoruar paralajmërimet e UEFA-s për përjashtim nga 16 dhe thirrjet e kombëtares së tyre për qetësi. Këtë herë, huliganët e “Orel’s Buthcher”, një grup i njohur ultra i Lokomotiv të Moskës, sulmuan tifozët anglezë e uellsianë në Lilë, ku luan Anglia me Uellsin, pra pa lidhje me Rusinë.
Rusët u afruan në lokalin ku pinin anglezët dhe filluan të hidhnin karrige drejt tyre. me anglezët u bashkuan edhe uellsianët, në një solidaritet britanik, ndërkohë që kanë shprehur pakënaqësi për pasivitetin e policisë franceze.
Kjo e fundit hodhi gaz lotsjellës kundër tifozëve të dhunshëm rusë, të cilët tani rrezikojnë seriozisht.
D.I.
