Godina e njësisë administrative Shishtavec e bashkisë Kukës është shembur plotësisht.
Mos marrja e masave në kohë për këtë ndërtesë ka sjellë edhe shembjen e godinës nga tronditjet e një tërmeti pak ditë më parë. Godina dy katëshe kishte dhënë shenja prej kohësh për shkak të gërryerjes së truallit ku është ndërtuar dhe bazamentit të saj, ndërsa në momentin e shembjes nuk ka patur punonjës të njësisë apo banorë të tjerë.
Në katin e parë të ndërtesës ka patur një ahur në të cilin kanë qenë dy viça të zënë poshtë rrënojave. Në vendngjarje kanë mbërritur ekipet e vlerësimit nga emergjencat civile dhe policia e Kukësit për të përcaktuar dhe shkaqet.
c.a
